Rafbjögunarsía er búnaður sem var hannaður hjá RAF í samstarfi við Rafhönnun. Rafbjögunarsían er búnaður sem á engan sinn líkan í heiminum. Hún er ætluð til þess að minnka truflanir og leiðrétta þær bjaganir sem geta verið á rafkerfum.
Rafbjögunarsían var upphaflega hönnuð til notkunar um borð í skipum til að leiðrétta truflanir og minnka álagið á rafölunum. Hún hefur nú einnig verið þróuð minni útgáfa sem getur nýst vel í hinum ýmsu fyrirtækjum og stofnunum.
Rafbjögunarsía í skip
Rafbjögunarsían hefur verið í þróun í nokkur ár en er nú komin í endanlegt horf. Hún var höfð í reynslukeyrslu
í eitt ár um borð í Gnúp Gk 11 og varð árangurinn framar öllum væntingum. Álag á rafölunum minnkaði til muna
og fór hitinn á afloftinu frá rafölunum úr 80 °C í 35 °C. Eldsneytissparnaðurinn varð meiri heldur en reiknað hafði verið með
auk þess sem allt almennt viðhald á skipinu minnkaði til muna. Óhætt er því að segja að hér hafi einstæður árangur
náðst.
Misjafnt getur verið á milli skipa hvernig best er að haga búnaðnum og hvaða árangurs má vænta. Til þess að hægt sé að reikna það allt út verður að fara um borð í skipið með sérútbúin mælitæki til að sjá hvernig rafkerfið bregst við hinum ýmsu álagssveiflum.
Rafbjögunarsía í fyrirtæki og stofnanir
Oft leynast hinar ýmsu truflanir í fyrirtækjum og stofnunum sem geta
haft áhrif á viðkvæman tölvubúnað og mælitæki. Oft getur verið erfitt og tímafrekt að komast í veg fyrir slíkar
truflanir en smá truflanir geta haft alvarlegar afleiðingar þegar um viðkvæman tölvubúnað er að ræða. Rafbjögunarsían getur
lagað og komið í veg fyrir að slíkar truflanir myndist og þannig verndað tölvubúnaðinn.
Rafbjögunarsían getur einnig komið sér vel í stærri fyrirtækjum þar sem minnka þarf álag á stofna og heimtaugar. Rafbjögunarsían minnkar straumnotkun og léttir þannig álagið á strengjunum og getur þannig komið í veg fyrir kostnaðarsama endurnýjun á stofnlögnum.
Hafið samband eða sendið tölvupóst ef þið hafið fyrirspurnir eða vantar nánari upplýsingar um Rafbjögunarsíuna.
